Rhaglen Gymorth Mathemateg
Bellach Cymru
Further Mathematics Support
Programme Wales
Newyddion
Newyddion Diweddaraf
Cylchlythyr Rhifyn 11
Datganiad Newyddion Awst 2019
Datganiad Newyddion Gorffennaf 2019
Cylchlythyr Rhifyn 10
Datganiad Newyddion Awst 2018
Cylchlythyr Rhifyn 9
Datganiad Newyddion
Cylchlythyr Rhifyn 8
Datganiad Newyddion - Awst 2017
Cyfranogiad marched mewn Mathemateg a Mathemateg Bellach Safon Uwch
SWYDDI GWAG - Tiwtoriaid Mathemateg
Mae'r Rhaglen Gymorth Mathemateg Bellach Cymru yn chwilio am athrawon mathemateg darlithwyr a myfyrwyr ôl-raddedig profiadol a brwdfrydig, gydag angerdd am ddatrys problemau. Bydd rhain yn helpu i ddatblygu a chyflwyno rhaglen gyfoethogi Mathemateg Safon Uwch newydd cyffrous i fathemategwyr mwyaf addawol ac uchelgeisiol Cymru, er mwyn cefnogi eu datblygiad mathemategol a'u paratoi ar gyfer papurau a phrofion estyniad prifysgol fel STEP a MAT. Bydd y tiwtoriaid yn cefnogi grwpiau bach o fyfyrwyr ledled Cymru ochr yn ochr â'r rhwydwaith o Ganolfannau SEREN.
Am bwy rydym yn chwilio i recriwtio? Ydych chi'r math o berson sy'n caru her o broblem mathemateg anarferol? A fyddech chi'n hoffi gweithio mewn tîm profiadol o unigolion o'r un meddylfryd? A fyddech chi'n hoffi gweithio gyda myfyrwyr uchelgeisiol sy'n llawn cymhelliant, yn cefnogi eu datblygiad fel datryswyr problemau? Os yw eich ateb yn gadarnhaol i'r cwestiynau hyn, yna efallai y byddwch yn y math o berson y hoffai Rhaglen Gymorth Mathemateg Bellach ei recriwtio. Rydym yn croesawu athrawon mathemateg Safon Uwch, darlithwyr SAU, mathemategwyr wedi ymddeol a myfyrwyr ôl-raddedig mathemateg.
Mae'r manteision i ymgeiswyr llwyddiannus yn cynnwys:
- Y cyfle i weithio mewn tîm brwdfrydig o bobl â diddordeb mathemateg
- Y cyfle i weithio gyda grwpiau bach o fyfyrwyr chwilfrydig sy'n gweithio'n galed gyda dyheadau uchel
- Datblygiad Proffesiynol Parhaus arbenigol ar gyfer STEP & MAT
- Cyfleoedd i rwydweithio
- Mynediad i adnoddau pwrpasol
- Cyflog dyddiol ardderchog
Sut i wneud cais - e-bostiwch eich CV byr ac amlinelliad byr o'ch profiad wrth gefnogi dysgu mathemateg y tu hwnt i faes llafur ysgolion i Stephen Earles - ste9@aber.ac.uk erbyn 23 o Fehefin. Byddai profiad o bapurau STEP a MAT yn ddymunol ond ddim yn hanfodol. Bydd digon o gefnogaeth ar gael i diwtoriaid sy'n newydd i gwestiynau STEP. Bydd y dosbarthiadau yn cael eu cynnal ar ôl ysgol ac ar Sadyrnau yn dibynnu ar y tiwtor. Bydd pob ymgeisydd llwyddiannus yn cael archwiliad GDG.
ADOLYGIAD SMITH YN AMLYGU ROL Y SAU MEWN DARPARIAETH MATHEMATEG 16-18
Mae adolygiad diweddar o addysg mathemateg ôl-16 yn Lloegr a gynhaliwyd gan Syr Adrian Smith yn amlygu rôl y mae SAU yn ei chwarae wrth ddylanwadu ar y niferoedd sy’n cymryd cymwysterau mathemateg 16-18 yn ogystal â chynnig cefnogaeth i ysgolion a cholegau. Mae'r adroddiad yn dadlau bod angen i brifysgolion fynegi eu hanghenion mathemateg yn ehangach. Mae llawer o fyfyrwyr yn cyrraedd y brifysgol gyda disgwyliadau afrealistig o gynnwys mathemategol eu cwrs gradd. Fodd bynnag, mae anghenion mynediad prifysgol yn dylanwadu'n drwm ar ysgolion a cholegau ac felly mae'r adroddiad yn awgrymu y dylai prifysgolion "nodi a chydnabod gwerth cymwysterau mathemateg lefel 3 ar gyfer mynediad i gwrs israddedig yn well gydag elfen feintiol sylweddol" (argymhelliad 4). Mae'r adroddiad hefyd yn cydnabod y rôl y mae SAU yn ei chwarae wrth gefnogi addysgu mathemateg. Mae enghreifftiau da yn cynnwys prifysgolion yn sefydlu chweched dosbarth mathemateg gyda phwyslais cryf ar fathemateg (King's College, Llundain, Prifysgol Caerwysg) a datblygu deunyddiau addysgu sy'n cael eu hysbysu gan ymchwil academaidd (Canolfan Addysg Mathemateg ym Mhrifysgol Loughborough sy'n gweithio gyda Rhaglen Gymorth Mathemateg Bellach (RhGMBC) a Phrosiect Mathemateg Underground dan arweiniad Prifysgol Caergrawnt). Mae'r adroddiad yn amlygu effaith y RhGMBC ar y ddarpariaeth Mathemateg Bellach yn ogystal â datblygiad proffesiynol athrawon. Soniwyd hefyd am RhGMBC, ochr yn ochr âg Isaac Physic MOOC ar gyfer addysgu Safon Uwch, fel enghreifftiau da o dechnoleg a ddefnyddir i fynd i'r afael â phrinder lle. Mae'r adroddiad yn gwahodd ymchwiliad i rôl ac effeithiolrwydd technoleg wrth addysgu mathemateg 16-18 ac mae'n argymell ariannu adnoddau datblygu proffesiynol ar-lein. Paratowyd y crynodeb gan RhGMBC. Cysylltwch â Dr Sofya Lyakhova at S.Lyakhova@Swansea.ac.uk am ragor o wybodaeth. Mae testun llawn yr adroddiad
Darllenwch yr Adroddiad Llawn....
Y nifer uchaf erioed o fyfyrwyr o Gymru sy'n astudio Mathemateg Bellach
Cylchlythyr Rhifyn 7
Cylchlythyr Rhifyn 6
Cynnydd yn nifer y merched sy'n astudio Mathemateg Bellach yng Nghymru
Cylchlythyr Rhifyn 5
Myfyrwyr yn Dathlu Merched mewn Mathemateg
Myfyrwyr Chweched Dosbarth yn Dathlu Merched mewn Mathemateg
Cylchlythyr Rhifyn 4
Cylchlythyr Rhifyn 3
Myfyrwyr Cymraeg yn mynd i brifysgol Caergrawnt i astudio Mathemateg
Roedd y cwrs rhagbrawf STEP 2 a 3, a drefnwyd gan Goleg Gwyr Abertawe a'r Rhaglen Gymorth Mathemateg Bellach (RhGMBC) Cymru yn llwyddiant, gyda dau fyfyriwr yn cael eu derbyn i astudio Mathemateg ym mhrifysgol Caergrawnt yn 2015. Llongyfarchiadau i Omkar Kamat o Ysgol Bassaleg a Jamie Dougherty o Goleg Gwyr Abertawe.
Cynnydd pellach yn y niferoedd sy'n sefyll Mathemateg Bellach lefel A yng Nghymru
TMae canlyniadau lefel A Mathemateg Bellach eleni unwaith eto'n achos dathlu yng Nghymru a bydd mwy o fyfyrwyr o Gymru yn mynd ymlaen i astudio gradd STEM gyda chymhwyster Mathemateg Pellach.
Ymweliad gan y Gweinidog Addysg a Sgiliau
Cylchlythyr Rhifyn 2
Darllenwch Mwy tudlen 1....
Darllenwch Mwy tudlen 2....
Cylchlythyr Rhifyn 1
Cynnydd pellach yn y niferoedd sy'n sefyll lefel A Mathemateg Bellach yng Nghymru
Mae canlyniadau lefel A Mathemateg Bellach eleni unwaith eto'n achos dathlu yng Nghymru. Mae'r canlyniadau Mathemateg a Mathemateg Bellach wedi adeiladu ar y cynnydd a welwyd yn y nifer oedd yn sefyll y pynciau hynny'r llynedd, gan godi ymhellach. Cyrhaeddodd cyfran y myfyrwyr Mathemateg a safodd lefel A Mathemateg Bellach 11.7%, sef y canlyniad uchaf erioed mewn Mathemateg Bellach yng Nghymru.
Prifysgol Abertawe yn cynnal gweithdy AAU Mynd i'r Afael â Phontio
Cynhaliodd Prifysgol Abertawe weithdy AAU (MSOR) llwyddiannus o'r enw Mynd i'r Afael â Phontio mewn Mathemateg, Ystadegau ac Ymchwil Weithrediadol ar ddydd Mawrth 25 Mawrth, 2014. Gwelodd y digwyddiad llwyddiannus 21 o gynrychiolwyr o Ysgolion, Colegau a Sefydliadau Addysg Uwch ar draws Canolbarth a De Cymru yn gweithio gyda'i gilydd i ystyried y problemau a'r materion pontio sy'n codi i fyfyrwyr sy'n mynd i Addysg Uwch ac i ddod o hyd i syniadau dyfeisgar a fyddai'n helpu i reoli a gwella y cyfnod pontio.
Cyhoeddi 2 flynedd arall o gyllid ar gyfer Rhaglen Gymorth Mathemateg Pellach Cymru (RhGMBC)
Ym mis Rhagfyr 2013 cyhoeddodd Llywodraeth Cymru y byddai cyllid yn cael ei ddarparu dros gyfnod o ddwy flynedd ar gyfer parhad RhGMBC. Bydd y cyllid blynyddol sylweddol o £225,000 ar gael yn 2014-2015 a 2015-2016. Dywedodd y Gweinidog Addysg Llywodraeth Cymru Huw Lewis "Rydym wedi gwneud ymrwymiad i wella lefelau rhifedd a gwella'r pynciau STEM - gwyddoniaeth, technoleg, peirianneg a mathemateg". "Mae lefel uchel o sgiliau mathemateg yn agor drysau i gynifer o yrfaoedd ar gyfer ein dysgwyr, ac mae'n rhaid i ni eu cefnogi i gael y sgiliau sydd eu hangen i lwyddo".
Cynnydd pellach yn y nifer sy'n cymryd Mathemateg Bellach Safon Uwch yng Nghymru.
Mae canlyniadau lefel A Mathemateg Pellach eleni yn achos dathlu eto yng Nghymru. Mae canlyniadau Mathemateg a Mathemateg Bellach yn adeiladu ar llynedd gyda chynnydd pellach.
Mwy o ddisgyblion i elwa wrth Raglen Mathemateg estynedig gyda chyllid Llywodraeth Cymru
Mwy o ddisgyblion i elwa wrth Raglen Mathemateg estynedig gyda chyllid Llywodraeth Cymru Mae rhagor o ddisgyblion a myfyrwyr yng Nghymru yn mynd i gael cymorth gyda Mathemateg gan i Raglen Gymorth Mathemateg Bellach Cymru dderbyn cyllid gan Lywodraeth Cymru i ymestyn y prosiect yn y flwyddyn academaidd 2013/2014. Dechreuodd cynllun peilot Rhaglen Gymorth Mathemateg Bellach Cymru ym mis Hydref 2010 ac roedd yn cynnwys Sir Gaerfyrddin, Castell-nedd Port Talbot, Abertawe a Sir Benfro, ond bydd y cynnydd yn y cyllid yn golygu y bydd Rhondda Cynon Taf ac Ynys Môn a rhannau eraill o Ogledd Cymru yn cael eu cynnwys yn y prosiect.
Canlyniadau Mathemateg a Mathemateg Bellach eleni wedi adeiladu ar y llynedd gyda cynnydd pellach.
Yn fwy manwl:
- Mae niferoedd Mathemateg Bellach Safon Uwch i fyny o 309 i 380, cynnydd o 23%.
- Mae niferoedd Mathemateg Bellach UG i fyny o 289 i 339, cynnydd o 17.5%.
- Mae niferoedd Mathemateg Safon Uwch wedi cynyddu o 3375 i 3643, cynnydd o 7.9%.
- Mae niferoedd Mathemateg UG wedi cynyddu o 4448 i 4647, cynnydd o 4.8%.
Canlyniadau Mathemateg Bellach eleni yn achos dathlu go iawn yng Nghymru.
Canlyniadau Mathemateg Bellach eleni yn achos dathlu go iawn yng Nghymru. Mae cyfran y myfyrwyr Mathemateg a safodd Mathemateg Bellach Safon Uwch wedi cyrraedd 9.2%, sef y canlyniad uchaf erioed a hefyd y twf blynyddol cyflymaf mewn Mathemateg Bellach yn yr wyth mlynedd diwethaf. O'i gymharu â'r llynedd mae nifer y myfyrwyr Mathemateg Bellach Safon Uwch wedi cynyddu bron i 29% o 240 i 309.